ಬದುಕು ಕಟ್ಟಿಕೊಳ್ಳೋಣ

ಹೊಸ ವರ್ಷದ ಆದಿ ಇಂದು

ಈ ಜಗದ ಸಮಯದ ಭಾಗವೊಂದು

ಒಂದು ವರುಷದ ಸಮಯವಿಂದು

ಒದಗಿ ಬಂದಿದೆ ಜೀವನಕ್ಕೆಂದು ।।

ಕಟ್ಟೋಣ ಬದುಕು , ಮುಚ್ಚೋಣ ಬಿರುಕು ,

ಹುಟ್ಟಿ ಹಾಕೋಣ ಒಂದು ಹೊಸ ಹುರುಪು ,

ಜೀವನ ಪ್ರೀತಿಯ ಬೆಳೆಸೋಣ ,

ಜೀವಕೆ ಪ್ರೀತಿಯ ಕಲಿಸೋಣ ।।

365 ದಿನಗಳ ಸದ್ವಿನಿಯೋಗ ಮಾಡೋಣ ,

ಭರವಸೆಯ ಬೆಳಕಲ್ಲಿ ಇರುಳನ್ನು ಕಳೆಯೋಣ ,

ಸಾಧನೆಯ ಬೆವರಲ್ಲಿ ಬೆಳಕನ್ನು ಬೆಳಗಿಸೋಣ ,

ಇಂದಿನ ದಿನದಲ್ಲೆ ಬದುಕೋಣ ।।

ನಾವು ನಾವಾಗಲು ಪರಿತಪಿಸುವುದ ಬಿಟ್ಟು

ನಮ್ಮತನ ಕಟ್ಟಲು ಶ್ರಮಿಸೋಣ ,

ಕಳೆದುಹೋದ ಸಮಯದ ಬಗ್ಗೆ ಕೊರಗನ್ನು ಬಿಟ್ಟು ,

ಕೈಗೆ ಸಿಕ್ಕಿರುವ ಸಮಯದಲ್ಲಿ ಸಮಾಜಮುಖಿಯಾಗಿ ಬದುಕೋಣ ।।

ಹೊಸ ವರ್ಷದ ಮೊದಲ ಕವನ

ನವೀನಸ್ಫೂರ್ತಿ

ಮನ್ವಂತರದ ಕವಿತೆಗಳು