ಶುಭಾಶಯ

by manvantarada-kavithegalu 23:55 0 comments

ಬದುಕಿನ ಬಣ್ಣವು ಬೀಗುತಿದೆ
ಜೀವನ ತಿರುವು ಪಡೆಯುತಿದೆ

ಭಾವಗಳ ಬಳಗವು ಬಂದು ಹರಸಿದೆ
ನವ ಜೋಡಿಗೆ ಶುಭವ ಕೋರಿದೆ

ಜನ್ಮಗಳ ನಂಟು, ಮೂರು ಗಂಟಲ್ಲಿ ಬೆಸೆದಿದೆ
ಬಂದಗಳ ಬೆಸುಗೆ 7 ಹೆಜ್ಜೆಯಲ್ಲಿ ಹೊಸೆದಿದೆ

ಹರುಶದ ಸಂಕೇತವಾಗಿ ಹೂ ಮಾಲೆ ಕೊರಳೇರಿದೆ
ಶುಭವ ಕೋರಿ ನೂರಾರು ಅಕ್ಷತೆಯ ಮಳೆಗರೆದಿದೆ

ಎಲ್ಲೊ ಇದ್ದ ಎರಡು ಜೀವಗಳ ಜೀವನ ಒಂದಾಗಿದೆ
ಎದಿರು ನೋಡದೆ ಮನಸ್ಸು ಕೊಟ್ಟವರ ಮಂಗಳ ವಿವಾಹ ಜರುಗಿದೆ

ತುಂಟ ಹುಡುಗನ ಕೈಲಿ ಪೂಜೆಯ ಹೂವೊಂದು ಸೇರಿದೆ
ಕಪ್ಪೆ ಚಿಪ್ಪಿನ ಎದೆಯಲ್ಲಿ ಮುತ್ತೊಂದು ಮೂಡಿದೆ

ನಿನ್ನ ಮನಕೆ ಮುತ್ತಾಗಿ ಬಂದ ,
ನಿನ್ನ ಮನೆಗೆ ಮುತ್ತೈದೆಯಾಗಿ ಬಂದ ,
ನಿನ್ನ ಪೂಜ ಲಕ್ಷ್ಮಿಯ
ನಿನ್ನ ಮನದ ಗುಡಿಯಲ್ಲಿಟ್ಟು ಪೂಜಿಸು

ಮದುವೆಯ ಶುಭಾಶಯಗಳು ....
                                                                      ✍ ನವೀನಸ್ಫೂರ್ತಿ