ಕಾಡಿಗೆ ಚೆಲುವೆ

ಕಾಡಿಗೆ ಚೆಲುವೆ

ಕಣ್ಣ ಕೊನೆಗೆ ಕಾಡಿಗೆ ಹಚ್ಚಿದ್ದ ಕನ್ನಿಕೆ ,

ಕುಡಿ ನೋಟ ಬೀರಿದ್ದಳು ಬಳುಕುತ್ತಾ ಮೆಲ್ಲಕೆ ,

ಮಾತಿಗೆ ತಾಳ ಹಾಕಿದ್ದವು ಅವಳ ಜುಮುಕಿ ,

ಹುಬ್ಬಿನ ಬಿಲ್ಲೇರಿತ್ತು ಹಣೆಯು ಮಡುಕಿ ।।

ಬಣ್ಣ ಬಣ್ಣದ ಚಿತ್ತಾರವಿದ್ದ ಬಟ್ಟೆ ತೊಟ್ಟು ,

ಮುದ್ದಾದ ಮಲ್ಲಿಗೆಯೊಂದ ಮುಡಿಯಲ್ಲಿಟ್ಟು ,

ಮಿಂಚಿನ ಮಣಿ ಮಾಲೆಯ ಕೊರಳಲ್ಲಿ ಧರಿಸಿ ,

ಮುದ್ದಾದ ಮಂದಹಾಸವ ಬೀರುತ್ತಿದ್ದೆ ।।

ಬ್ರಹ್ಮನ ಬದಲು ಮನ್ಮಥನು ಸೃಷ್ಟಿಸಿದನ ನಿನ್ನ ,

ಬೇಲೂರ ಶಿಲ್ಪವೇಕೋ ನಾಚಿತ್ತು ನೋಡಿ ನಿನ್ನ ಅಂದವನ್ನ ,

ನವಿಲೇಕೋ ನಿಂದಿಸಿದೆ ಈ ನಿನ್ನ ಸೌಂದರ್ಯದ ಸೊಬಗನ್ನ ,

ಚಂದ್ರನನ್ನೇ ಮರೆಯಾಗಿಸಿತು ನಿನ್ನ ಕೆನ್ನೆಯ ಕಾಂತಿಯ ಬಣ್ಣ ।।

ಹಬ್ಬದ ಹೋಳಿಗೆ ಸಿಕ್ಕಿತ್ತು ಹುಬ್ಬಿನ ಕೆಳಗಿದ್ದ ಕಣ್ಣಿಗೆ ,

ಸಕ್ಕರೆ ಬೆಲ್ಲದ ಪಾಕದ ಸವಿಯಿತ್ತು ಎದೆಯೊಳಗಿದ್ದ ಮನಸ್ಸಿಗೆ ,

ಸ್ವಪ್ನದ ಚೆಲುವೆ ಸಿಕ್ಕಿದ್ದ ಸೊಗಸಿತ್ತು ತಲೆಯಲ್ಲಿದ್ದ ಮೆದುಳಿಗೆ ,

ಸಂಗಾತಿಯಾಗುವೆಯ ಸಂಗವ ಸೇರಿ ಎಂದು ಹೇಳಲ ಸಿದ್ದವಾಗಿತ್ತು ನಾಲಿಗೆ ..

ಅಷ್ಟರಲ್ಲೇ ...............

....... ಮುಂದುವರೆಯುವುದು

ನವೀನ

ಮನ್ವಂತರದ ಕವಿತೆಗಳು