ಕನ್ನಡ ಮಾತೆಗೆ ಒಂದು ನಮನ / ಕವನ

ಆಶಯದ ಹಣತೆಯಲ್ಲಿ .....

ಕವಿದ ಕತ್ತಲೆಯನ್ನು ಕದಲಿಸುವ

ಮಿನುಗುವ ಪ್ರೀತಿಯ ದೀಪದಲ್ಲಿ ....

ಬರೆಯಲೆ ಒಂದು ಕವನ ???

ಕವನ ಎಂದರೆ ಕಡಿಮೆಯಾದೀತು, ಇದು ಒಂದು ನಮನ।।

ಕಂಗಳಿತ್ತು, ಹೆತ್ತ ತಾಯಿಗೆ ,

ನೋಡುವ ಬೆಳಕಿಗೆ, ಅರಿವು ಮೂಡಿಸುವ ತಾಯಿಗೆ .

ನಾಲಿಗೆಗೆ ಜೀವ ತುಂಬುವ, ದೇವಿಗೆ ,

ಹೃದಯಕ್ಕೆ ಭಾವ ತುಂಬುವ, ತಾಯಿಗೆ ,

ನಮನವಿರಲಿ, ಈ ಕವನದ, ಪುಟ್ಟ ನಮನವಿರಲಿ ।।

ಗಂಡುಗಲಿಗಳಿಗೆ ಜನ್ಮ ನೀಡಿದ ಮಾತೆ ,

ಕಾವೇರಿಯನಿತ್ತು ದಾಹ ತೀರಿಸುವ ಧಾತೆ ,

ಭವ್ಯತೆಗೆ ಇನ್ನೊಂದು ಹೆಸರೇ ನೀನು ।।

ನೀ ಕೊಟ್ಟ ಮಾತು, ಆಡಲು ನಾನು ,

ಮನದಲ್ಲೇನೋ ಉಲ್ಲಾಸ

ನಿನ್ನ ಮುತ್ತಿನ ನುಡಿಗಳಾಡಲು

ಅದೆಂತದೋ ಗರ್ವ ।।

ಓ ನನ್ನ ಕನ್ನಡ ಮಾತೆ

ನಮ್ಮೆಲ್ಲರ ಬಾಳಿಗೆ ಅನ್ನಧಾತೆ ,

ಬೇಡಲಿ ಇನ್ನೇನು ನಿನ್ನ ???

ನೀ ಕೊಟ್ಟದ್ದು , ಬಾಳಿಗೆ, ಭಾಗ್ಯಕ್ಕೆ , ಭಾವಕ್ಕೂ ತುಂಬಿ

ಹಂಚಲು ಉಳಿದಿರುವಾಗ

ನಾ ಕೇಳುವುದೊಂದೇ, ಒಪ್ಪಿಸಿಕೋ

ಈ ನನ್ನ ನಮನವ,

ಈ ನನ್ನ ಕವನವ......... ।।

ನವೀನಸ್ಫೂರ್ತಿ

ಮನ್ವಂತರದ ಕವಿತೆಗಳು