ಹುಡುಕಾಟ

ಹುಡುಕುತಿರುವೆ ನನ್ನೆ ನಾನು...

ಬೀಳೋ ಮಳೆಯಲ್ಲಿ

ಬೀಸೋ ಗಾಳಿಯಲ್ಲಿ ..

ಇರುವ ವಾತಾವರಣದಲ್ಲಿ

ಬರುವ ಭಾವನೆಗಳಲ್ಲಿ ...

ಹುಡುಕುತಿರುವೆ ನನ್ನೆ ನಾ !! ಕಳೆದುಹೋದ ನನ್ನ ,

ಹುಡುಕುತಿರುವೆ ನನ್ನೆ ನಾನು

ಮಿಂಚೋ ಮಿಂಚಲ್ಲಿ ,

ಗುಡುಗೋ ಗುಡುಗಲ್ಲಿ ..

ಮಣ್ಣ ವಾಸನೆಯಲ್ಲಿ ,

ನನ್ನ ಮನಸಲ್ಲಿ ...

ಹುಡುಕುತ್ತಲೇ ಹೋಗುತ್ತಿರುವೆ ನಾ ,

ಕಳೆಗುಂದದ ಆ ನನ್ನ !

ಎಲ್ಲಿ ಹುಡುಕಲಿ ನನ್ನೇ ನಾ?

ಎಲ್ಲಿ ನೋಡಲಿ ನನ್ನೇ ನಾ ?

ಅರಿಯದೆ ಅರಸುತಿರುವೆನು

ತಿಳಿಯದೆ ಕೊರಗುತಿರುವೆನು ..

ಸಿಗುವೆನೆ ನಾನು ನಾನಾಗಿ ,

ಮತ್ತೆ ಬರುವೆನೆ ತಾನಾಗಿ ,

ಮರುಕಳಿಸಿ ಮೊದಲಾಗಿ

ನನ್ನ ನೆನಪಿನಂಗಳದ ಒಲವಾಗಿ !?

ಸ್ಪೂರ್ತಿ

ಮನ್ವಂತರದ ಕವಿತೆಗಳು