ಸುಪ್ರಭಾತ

ಹೊಸ ಹುರುಪಿರಲಿ ಇಂದಿನ ಜೀವನಕ್ಕೆ ,

ಹಳೆಯ ನೆನಪುಗಳು ಹಾಸಿಗೆಯಲ್ಲಿ ,

ಮುಂದಿನ ಕನಸುಗಳು ಹೊದಿಕೆಯಾಗಲಿ ,

ಭರವಸೆಯೇ ತಲೆ ದಿಂಬಾಗಲಿ ।।

ಹಾಯಾಗಿ ನಿದ್ರಿಸು ಗೆಳತಿ ಜೀವಕ್ಕೆ ಜ್ವರ ಬಡಿಯಲು ,

ನಿಂತು ಎದಿರಿಸು ಗೆಳತಿ ಭಾವನೆಗಳ ಗರ ಹೊಡೆಯಲು ,

ಚಿಂತೆಯ ಚಿತೆಗೆ ಕನಸಿನ ಮಳೆಗರಿಸು ,

ಕಣ್ಣೇರಿನ ಕಥೆಗೆ ನಗುವಿನ ಅಂಕಿತ ಇರಿಸು ।।

ಬೇಯಿಸುವ ಭಾವನೆಗಳ ನಿನಗೆ ಮಂಕು ತರಿಸಿವೆ,

ನೆನಪುಗಳ ಕನಸುಗಳು ನಿನ್ನ ಮನಸ ಕೆಡಿಸಿವೆ ,

ಮನದ ಯೋಚನೆಗಳು ನೆಮ್ಮದಿಯ ನಿದ್ದೆ ಕೆಡಿಸಿವೆ ,

ಆಲಿಸಿದ ಮಾತುಗಳು ಆಕಳಿಕೆಯಲ್ಲೂ ಕಣ್ಣೀರು ತರಿಸುವೆ ।।

ಎಲ್ಲ ನೆನಪುಗಳ ಸುಂದರ ಕನಸಾಗಿ ಮಾಡಿ ,

ಹೊಸ ಜೀವನದ ದಿನಕ್ಕೆ ಎದ್ದು ,

ಸುಪ್ರಭಾತ ಹಾಡು ಗೆಳತಿ ,

ಸುಪ್ರಭಾತ ಹಾಡು........ ।।

ನವೀನಸ್ಪೂರ್ತಿ

ಮನ್ವಂತರದ ಕವಿತೆಗಳು