........ ಅಮ್ಮಾ .......

ಅಮ್ಮಾ

ಈ ಬಾಳನ್ನು ಬಳ್ಳಿಯಿಂದ ತಂದೆ ನೀನು ,

ನಿನ್ನ ದೇಹದ ಭಾಗವಾಗಿದ್ದೆ ನಾನು ,

ನನ್ನ ಹುಟ್ಟಿಗಾಗಿ ಮರು ಹುಟ್ಟು ಪಡೆದೆ ನೀನು ,

ನಿನ್ನ ಪುಟ್ಟ ಕಂದಮ್ಮ ನಾನು ।।

ನಿನ್ನ ಎದೆಯ ಅಮೃತವ ಬಸಿದು ಬೆಳೆಸಿದೆ ನನ್ನ ,

ನನ್ನೆದೆಯ ಗೂಡಲ್ಲಿ ಮೂಡಿದ್ದ ಮೊದಲ ಅಕ್ಷರವೇ ಅಮ್ಮ....

ನೀ ತಂದ ಕೈ ತುತ್ತು ನನ್ನ ಬೆಳೆಸಿತ್ತು ,

ನೀ ಇಟ್ಟ ಮುತ್ತು ನನ್ನ ಹರಸಿತ್ತು ।।

ನಾ ಇಡುವ ಹೆಜ್ಜೆಗೆ ನಿನ್ನದೇ ಬೆಂಬಲ ,

ನಾ ಮಾಡುವ ರಜ್ಜೆಗೆ ನಿನ್ನದೇ ಹಂಬಲ ,

ಜಗವ ತೋರಿದವಳು ನೀನೇ ,

ನನ್ನ ಜಗವೆಲ್ಲ ನೀನೆ ।।

ಕಾಣೆನು ನಾ ಕಲ್ಮಷ ನಿನ್ನ ಪ್ರೀತಿಯಲ್ಲಿ ,

ತಾಳೆನು ನಾ ಯಾವ ನಿಮಿಷ ಇರದೆ ನಿನ್ನ ಪ್ರೇಮದಲ್ಲಿ ,

ಬಿದ್ದರೆ ನನ್ನ ತಪ್ಪು ನೋಡುವ ತಂದೆ ,

ಸರಿ ತೂಗರು ನಿನ್ನ ಅಪ್ಪುಗೆಯ ಮುಂದೆ ।।

ಇಷ್ಟೆಲ್ಲಾ ತಂದ ನಿನ್ನ ಪ್ರೀತಿಯು ಎಲ್ಲಕ್ಕಿಂತ ಮಿಗಿಲು ,

ನಿನ್ನ ಈ ಪರ್ವತದ ಪ್ರೀತಿಯ ,

ನನ್ನ ಪ್ರೀತಿಯ ತಕ್ಕಡಿಯಲ್ಲಿ ನಾ ಹೇಗೆ ತೂಗಲಿ ,

ಪ್ರೀತಿಯ ಪ್ರತ್ಯಕ್ಷ ರೂಪವೇ ನೀನು .....

........ ಅಮ್ಮಾ .......

ಮನ್ವಂತರದ ಕವಿತೆಗಳು