ಕರುನಾಡ ಹೆಮ್ಮೆಯ ಕಂದ

ಕರುನಾಡ ಹೆಮ್ಮೆಯ ಕಂದ

ಏನೋ ಕನ್ನಡದ ತಮ್ಮ .. ... .... .....

ನಿನ್ನ ಭಾಷೆ ಮಾತಾಡಲು ನಿನಗೇ ಅಳುಕೇಕಮ್ಮ

ಊರಿಂದ ಊರಿಗೆ ಬಂದರೂ ,

ಭಾಷೆ ಬಿಡದ ಜನರ ನಡುವೆ

ನೂರು ಭಾಷೆ ಕಲಿಯುವ ಕರ್ಮ ನಿನಗೇಕಮ್ಮ ।।

ಕಳಿಸು ನಿನ್ನ ಊರ ನಲ್ಮೆಯ ಭಾಷೆಯ

ಊರಿಂದೂರಿಗೆ ಬಂದಿರುವ ನೂರು ಮಂದಿಗೂ ,

ಈ ನಾಡಲ್ಲಿ ಉಳಿವ ಎಲ್ಲ ಮಂದಿಗೂ

ತಿಳಿಸು ನಿನ್ನ ನಾಡ ಹಿರಿಮೆಯ ।।

ಗಂಧದ ಸುಗಂಧವ ತೋರಿಸು

ಕಾವೇರಿಯ ತಂಪಲ್ಲಿ ತೇಲಿಸು

ಸಹ್ಯಾದ್ರಿಯ ಸಿಂಚನವ ಮಾಡಿಸು ,

ಸುಮಧುರ ಕಸ್ತೂರಿ ಕನ್ನಡವ ಕಲಿಸು , ನಲಿಸು ।।

"ಕನ್ನಡ್ ಗೊತ್ತಿಲ್ಲ" ಅಂದೋರಿಗೆ

ಕನ್ನಡದ ಸೌಂದರ್ಯವ ಕನ್ನಡಿ ಹಿಡಿದು ತೋರಿಸು .

ಗೊತ್ತಿದ್ದರೂ ಮಾತಾಡದ ಮೂಢರಿಗೆ

"ಗಾಂಚಲಿ ಬಿಡಿ ಕನ್ನಡ ಮಾತಾಡಿ" ಎಂದು ಹೇಳು ।।

ಕೆಚ್ಚದೆಯಿಂದ ಸಾರಿ ಹೇಳು

"ನಾ ಕನ್ನಡಿಗ" ನೆಂದು

ಗರ್ವದಿಂದ ಕೂಗಿ ಹೇಳು

"ಕಾವೇರಿ" ನಮ್ಮವಳೆಂದು ।।

ನವೀನಸ್ಫೂರ್ತಿ

ಮನ್ವಂತರದ ಕವಿತೆಗಳು