ಸುಮಕೋಗಿಲೆ

ಸುಮಕೋಗಿಲೆ

ಹೇ ಸುಮವೆ , ನಿನಗೇಕೆ ಈ ಗೊಡವೆ,

ಸ್ವಚ್ಛಂದದ ಬಾನಲ್ಲಿ ಮನದ ರೆಕ್ಕೆ ಬಿಚ್ಚಿ

ಮುಗಿಲೆತ್ತರಕ್ಕೆ ಹಾರಿ ಹಾಡುತ್ತಿದ್ದ ಕೋಗಿಲೆ ನೀನು ।।

ಮುಖದ ಭಾವದ ಮುದುರಿಸಿ,

ಮನದ ಹಾವವ ಘಾಸಿಗೊಳಿಸಿ ,

ರೆಕ್ಕೆ ಬಿಚ್ಚದೆ ಕೈ ಸೋತು ಕುಳಿತಿರುವೆ ಏಕೆ ।।

ಬಾನಲ್ಲಿ ಎದುರಾದ ಗಿಡುಗನ ಭಯವೆ,

ಜೊತೆಗೆ ಹಾರದ ನವಿಲಿನ ಗೊಡವೆಯೆ ,

ಇಲ್ಲ ಸ್ವಚ್ಛಂದದ ಬಾನಲ್ಲಿ ಕಾಣದ ಗುರಿಯ ಹುಡುಕಾಟವೆ ।।

ಹೇಳೆ ಕೋಗಿಲೆ ಏನು ನಿನ್ನ ಆತಂಕದ ಆಧಾರ,

ಏಕೀ ನಿನ್ನ ತೊಳಲಾಟ , ಬಿಚ್ಚು ನಿನ್ನ ಸಂತಸದ ರೆಕ್ಕೆಗಳ,

ಹಾರು , ನೀ ಹಾರು ಸ್ವಚ್ಛಂದವಾಗಿ ಬಾಳ ಬಾನಲ್ಲಿ ।।

ನೀ ಯಾರಿಗೂ ಕಾಯುವವಳಲ್ಲ ,

ನಿನ್ನ ಉತ್ಸಾಹದ ಸುಗಂಧವ ಎಲ್ಲರಿಗೂ ,

ಹಂಚುವ ಸುಮವು ನೀನು ,

ಈ ಸುಮ ಕೋಗಿಲೆಯು ಎಂದೂ ಬಾಡಬಾರದು ।।

ನವೀನಸ್ಪೂರ್ತಿ

ಮನ್ವಂತರದ ಕವಿತೆಗಳು