Startup ಪಯಣ

Startup ಅಂದ್ರೆ ನಮ್ಮ ಕಣ್ಣು ಮುಂದೆ ಬರೋದು ರಾತ್ರೋ ರಾತ್ರಿ Famous ಆಗೋ Company ಗಳು.

ಇದ್ದಕ್ಕಿದ್ದ ಹಾಗೆ ಖ್ಯಾತಿ ಗಳಿಸಿ ದೇಶಾದ್ಯಂತ ಹೆಸರು ಮಾಡಿ ಎಳೆ ವಯಸ್ಸಿನಲ್ಲೇ ಶ್ರೀಮಂತರಾದ Founders ಗಳು .

ಇಷ್ಟೆಲ್ಲ Hyped , Cool Startups ನ ಪಯಣದ ಹಿಂದಿರೊ ನೈಜ ಪಯಣನ ವರ್ಣಿಸೋದೆ ಈ ಕವನದ ಉದ್ದೇಶ .

ಈ ಸ್ವಪ್ನದಂಗಳದಲ್ಲಿ ,ಅಸ್ಪಷ್ಟತೆಯ ಅಂಧಕಾರದ ಮಡಿಲಲ್ಲಿ

ಆಶಯದ ಬೆಳದಿಂಗಳ ದಾರಿಯಲ್ಲಿ

ಭಾವನೆಗಳ ತರು ಲತೆಗಳಿಗೆ ಬೆವರು ನೀರನ್ನು ಚೆಲ್ಲಿ ,

ಸಾಗಿದೆ ಬಾಳಿನ ಚಕ್ರ , ಕಾಣದ ಕಾಡ ಹಾದಿಯಲ್ಲಿ ।।

ಆಗ್ಗಾಗ್ಗೆ ಸಿಗುವ ಸೀಳು ದಾರಿಯ ಸೀಳಿ ,

ತಂದ ಬುತ್ತಿಯು ಮುಗಿಯುವ ಮುನ್ನ ಬೆಳಕ ಕಾಣುವ ಆಸೆಯಲ್ಲಿ ,

ಬುತ್ತಿ ಮುಗಿದರೆ ಇಲ್ಲ ಚಕ್ರ ಮುರಿದರೆ ಎನ್ನುವ ಭಯದಲ್ಲಿ ,

ಕಾಣದ ಈ ದಾರಿಯಲ್ಲಿ ಮನದ ಮಹದಾಶಯ ಒಂದೆ ದಿಕ್ಸೂಚಿಯಿಲ್ಲಿ ।।

ಬೆಳಕ ಕಾಣುವ ಬರದಲ್ಲಿ , ಸಾಗಿದೆ ಜೀವನ ಚಕ್ರ ,

ನೀನೆ ಶುರುಮಾಡಿದ ನಿನ್ನ ಚಕ್ರ ।।

ಚಕ್ರ ಹಿಡಿದು ಬಂದಿರುವೆ ನೀನು ,

ದಾರಿ ಕ್ರಮಿಸಲು ಬೇಕಾದ ಗಾಡಿ ಕಟ್ಟಲು ನಿಂತಿರುವೆ ನೀನು ,

ಕಟ್ಟುವ ಕುಶಲ ಕರ್ಮಿಗಳ ಹೆಕ್ಕಿ ತರಲೇ ಬೇಕು ನೀನು ,

ಕಟ್ಟಿ ನಡೆಸಲು ಜೀವನ ಬಂಡಿಯ ನೀನು ।।

ಈ ಬಂಡಿಯ ನಡೆಸುವ ನಾವಿಕ ನೀನು ,

ಕಟ್ಟಲು ಸಹಾಯ ಮಾಡಿದವರ ಕರೆದೊಯ್ಯಲೇ ಬೇಕು ನೀನು ,

ಬಂಡಿಯಲ್ಲಿ ಬಂದವರಿಗೆಲ್ಲ ನಿನ್ನ ಬುತ್ತಿಯ ಹಂಚಲೇಬೇಕು ನೀನು ,

ಬುತ್ತಿ ಕಾಲಿಯಾಗುವ ಮುನ್ನ ಬುತ್ತಿಯುಳ್ಳವರ ಗಾಡಿಗೆ ಹತ್ತಿಸಿಕೊಳ್ಳಲೇಬೇಕು ನೀನು. ।।

ನವೀನಸ್ಫೂರ್ತಿ

ಮನ್ವಂತರದ ಕವಿತೆಗಳು