ಅಂಜಿಕೆಯ ಸಂಚಿಕೆ

ಅಂಜಿಕೆಯ ಸಂಚಿಕೆ

ಎ ಅಂಜಿಕೆ ನೀನೇಕೆ ಬಂದೆ ಓದುವಾಗ ,

ನನ್ನ ಮನದಲ್ಲಿ ಮುಚ್ಚಿಟ್ಟಿದ್ದ ಸಂಚಿಕೆ ,

ಎದೆ ಬಡಿತ ಹೆಚ್ಚಿಸಿದೆ , ಮಾತು ತಪ್ಪಿಸಿದೆ ,

ಪಿಸುಗುಡುತ್ತಾ ಬಂದ ಮಾತನ್ನು ಮುಗುಳ್ನಗೆಯಲ್ಲಿ ಮರೆಸಿದೆ ।।

ಈ ಮನದ ಸಂಚಿಕೆ ಬಹುದಿನದ ಮೌನದ ಅರಿಕೆ ,

ಇರಲಾರದೆ ನಿನ್ನ ಮೇಲೆ ನಿನಗೆ ನಂಬಿಕೆ ,

ಗಲಿಬಿಲಿ ಗೊಳಿಸಿ ಬಂಧಿಸಿದೆ , ಬಿಚ್ಚಿಡುತ್ತಿದ್ದ ಮನದ ಬಯಕೆ ,

ಎ ಅಂಜಿಕೆ ಬಂದೇಕೆ ನೀನು ಓದುವಾಗ ನನ್ನ ಮನದ ಸಂಚಿಕೆ ।।

ಮುಗಿದಾದ ಮೇಲೆ ಮಧುರ ಕ್ಷಣವು ಮೂದಲಿಸುತ್ತಿರುವೆ

ಸಲ್ಲದು ನಿನ್ನ ರೀತಿಯು , ನಿನಗಿದು ತರವೆ ।।

ಓ ಮನದ ಅಂಜಿಕೆ ನೀನೇಕೆ ಬಂದೆ ....

ಓದುವಾಗ ನನ್ನ ಬಾಳಿನ ಮದುರವಾದ ಸಂಚಿಕೆ .... ।।

ನವೀನ

ಮನ್ವಂತರದ ಕವಿತೆಗಳು