ಜೀವದ ಸಮಾನತೆ

ಓ ದೇವನೇ ಎಲ್ಲ ಜೀವಿಗೂ ಜೀವದ ಸಮಾನತೆ ಕೊಟ್ಟೆ ,

ಆದರೆ ಬುದ್ದಿಯ ಹಿಟ್ಟನ್ನು ಮಾನವನಿಗೆ ಮಾತ್ರ ಏಕೆ ಬಿಟ್ಟೆ ।।

ನೀ ಕೊಟ್ಟ ಬುದ್ದಿಯ ಹಿಟ್ಟಿಂದ ಸಮಾಜದ ರೊಟ್ಟಿಯ ತಟ್ಟಿ ,

ರೊಟ್ಟಿಯ ಬೇಯಿಸಲು ಜೀವಿಯ ಜೀವವ ಸುಟ್ಟು ।।

ತನ್ನ ರೊಟ್ಟಿಗಾಗಿ ಎಲ್ಲ ಜೀವದ ರೊಟ್ಟಿಯ ಕಸಿದು ,

ತಾನು ಮಾತ್ರ ಹೊಟ್ಟೆ ಬಿರಿಯುವಂತೆ ಉಂಡು ತಿರುಗಿದ್ದಾನೆ ।।

ಹಸಿದು ಬಸಿದ ಜೀವಿಗಳು ಹಸಿವಿನಿಂದ ಅಸುನೀಗುತ್ತಿರೆ ,

ತನ್ನ ಹಸೆಗೆಂದು ಮತ್ತಷ್ಟು ಜೀವಿಗಳ ಹತ್ಯಾಕಾಂಡವೆಸಗಿದ್ದಾನೆ ।।

ಮಾನವೀಯತೆಯ ಉಳಿಸಿಕೊಂಡ ಕೆಲವರು ಉಳಿಸಲು ಹೋದರೆ ,

ಅಮಾನವೀಯತೆಯ ಹಲವರು ಅಳಿಸಲು ಹೊರಟಿದ್ದಾರೆ ।।

ಈ ಸಮಾಜದ ರೊಟ್ಟಿಯ ಹಂಚಿ ತಿನ್ನುವ ಕೆಲವರು ,

ಯಾವಾಗ ಹಲವರಿಗಿಂತ ಬಲವಂತರಾಗುವರೋ ,

ಅಂದು ಮಾತ್ರ ನೀ ಕೊಟ್ಟ ಅಸಮಾನತೆ ಸಮಾನತೆಯ ಸ್ವಾಮ್ಯ ಸೇರಲು ಸಾಧ್ಯ ।।

ನವೀನ

ಮನ್ವಂತರದ ಕವಿತೆಗಳು