ಮಿಂಚಿನ ಒಡಲಿನ ಮುತ್ತು ಭೂಮಿಗೆ ಬಿತ್ತು

by manvantarada-kavithegalu 04:34 0 comments Kavana male

ಮಳೆಯ ಮುತ್ತಿನ ಹನಿಗೊಂದು ಜೀವ ತುಂಬಿ , ಮಿಂಚು ಗುಡುಗುಗಳೇ ಅದರ ತಂದೆ ತಾಯಿಯನ್ನಾಗಿ ಮಾಡಿ. ಮಳೆಹನಿಯ ಆಶಯ ಮತ್ತು ಭಾವನೆ  , ಭೂಮಿಯ ನೈರ್ಮಲ್ಯ ದಲ್ಲಿ ಹೇಗೆ ಕೊಚ್ಚಿ ಹೋಗುವುದು ಎನ್ನುವುದೇ ಈ ಕವನದ ಭಾವ. 

ಮಿಂಚಿನ ಒಡಲಿನ ಮುತ್ತು ಭೂಮಿಗೆ ಬಿತ್ತು 

ಮಿಂಚಿನ ಒಡಲಲ್ಲಿ ಮುತ್ತೊಂದು ಮೂಡಿತ್ತು ,

ಮಿಂಚನ್ನೇ  ನೋಡಿ ಭಯಪಟ್ಟು ಓಡಿತ್ತು ,

ಓಡುತ ತಾ ಬಂದು ಮೋಡದಿಂದ ಜಿಗಿದಿತ್ತು ,

ಗಾಳಿಯಲ್ಲಿ ತೆಲುತಾ ಭೂಮಿಯನ್ನು ಕಂಡಿತ್ತು ,

ಸುಂದರ ಭೂಮಿಯ ತೋಳಲ್ಲಿ ಅಡಕವಾಗಲು  ಬಯಸಿತ್ತು ,

ಭೂಮಿಯ ತೀರ ಹತ್ತಿರವಾಗುತಿತ್ತು ,

ಭೂಮಿಯ ಸೌಂದರ್ಯ ಏಕೋ ಮಸುಕಾಗಲು  ಆರಂಭಿಸಿತ್ತು ,

ಮಸುಕಿನ ಮುಂದೆ ಹರಿಯುವ ಕೊಳಗೇರಿ ಕಾಣಿಸಿತ್ತು ,

ಹೋಗಬೇಡ ಎಂಬ ಗುಡುಗು ತಾಯಿಯ ಕೂಗು ಈಗ ಕೇಳಿಸಿತ್ತು ,

ತಪ್ಪಿನ ಅರಿವಾಗುವುದರಲ್ಲಿ ಕೊಚ್ಚೆಯಲ್ಲಿ ಸೇರಿಹೋಗಿತ್ತು ,

ಕಪ್ಪೆ ಚಿಪ್ಪಿನಲ್ಲಿ ಸೇರಿ ಮಿಂಚಿನ ಮುತ್ತಾಗುವೆ ಎನ್ನುವ ,

ಆಶಯ ಕಪ್ಪು  ನೀರಲ್ಲಿ  ಕರಗಿ ಹೋಗಿತ್ತು....।।

                                 - ನವೀನ 

ನಿಮ್ಮ ಅನಿಸಿಕೆಗಳನ್ನು comment section ಅಲ್ಲಿ ತಿಳಿಸಿ ..................................