ಕನ್ನಡ ಮಾತೆ

ಕಾವ್ಯಮಯವಾದ ಕಂಗಳು ,

ಕನ್ನಡಮ್ಮನ ಕರುಣೆಯ ಒಡಲು,

ಚೆಲ್ಲಿ ಸೂಸಿದೆ ಪ್ರೇಮದ ಬೆಳದಿಂಗಳು ,

ಮಿಂದು ಧನ್ಯನಾಗು, ಕರುನಾಡು ಸ್ವರ್ಗದ ಸೀಳು ।।

ಸವಿಯಲು ಸಕ್ಕರೆ ,ಕನ್ನಡಮ್ಮನ ಅಕ್ಕರೆ ,

ಬಾಯಿಗೆ ಕೊಟ್ಟಳು , ಕನ್ನಡವೆಂಬ ಕಲ್ಲು ಸಕ್ಕರೆ ,

ಕರವ ನೀಡಿ ಮತ್ತಷ್ಟು ಬೇಡುತಿರುವೆ ,

ನಿನ್ನಯ ಒಲವಿನ ಈ ಅಕ್ಕರೆ ।।

ಕಾಣದೂರಿನಿಂದ ನಿನ್ನೊಡಲಿಗೆ ಬಂದಿರುವೆ ,

ಹೆತ್ತ ತಾಯಿಯಂತೆ ನನ್ನನೂ ಹರಸಿರುವೆ ,

ನಿನ್ನ ಅಕ್ಕರೆಯ ತುತ್ತಿಗೆ , ನಿನ್ನ ಪ್ರೀತಿಯ ಮುತ್ತಿಗೆ ,

ಜೀವನ ವಿರುವ ತರದಿ ನಿನ್ನಾ ಆರಾಧಿಸುವೆ ।।

ಕರುನಾಡ ಅಧಿದೇವತೆ , ಹರಿಶಿನ ಕುಂಕುಮ ಅಲಂಕೃತೆ ,

ಕದಂಬರು ಕಟ್ಟಿದ ನಾಡ ಮಾತೆ ,

ಪಂಚ ಕೋಟಿ ಕನ್ನಡಿಗರ ಶಕ್ತಿದಾತೆ ,

ಈ ಕವನ ನಿನ್ನ ಪಾದಕಮಲಗಳಿಗೆ ಅರ್ಪಿತೆ ।।

ನವೀನಸ್ಪೂರ್ತಿ

ಮನ್ವಂತರದ ಕವಿತೆಗಳು