ನಿನ್ನ ಮನವೆಂಬ ಕೃತಿ

ಬಣ್ಣಿಸಲಿ ಹೊರಟಿಹೆ ಭಾವನೆಗಳ ಲಿಪಿಯ ,

ತೆರೆದಿಡಲು ಹೊರಟಿಹೆ ಮನದಾಳದ ಕೃತಿಯ ।।

ಈ ಲಿಪಿಯ ಮೂಲ ನೀನು ,ಈ ಕೃತಿಯ ಕರ್ತೃ ನೀನು ,

ನಿನ್ನೀ ಲಿಪಿಯ ,ನಿನ್ನದೇ ಕೃತಿಯ , ನಾ ಓದಬಲ್ಲೆನೇನು ।।

ಓದಬಹುದೆ ನಾನು , ನಿನ್ನಾ ಕೃತಿಯ ಮನನ ಮಾಡಲೇನು

ಮನದ ಭಾಷೆಯಲಿ ಮುದ್ರಿಸಬಹುದೆ ನಾನು ।।

ನಿನ್ನೀ ಕೃತಿಯ ಪ್ರತಿಯೊಂದು ಪುಟಕೆ ಪರವಶನಾಗಿಹೆ ನಾನು

ನಿನ್ನ ಲಿಪಿಯ ಮೋಡಿಗೆ ಸೋತು ಕರಗಿ ಹೋಗಲೇನು ।।

ನಿನ್ನೀ ಕೃತಿಯಲ್ಲಿ , ನಿನ್ನದೇ ಲಿಪಿಯಲ್ಲಿ

ನನ್ನ ಹೆಸರನ್ನು ಬರೆಯಬಹುದೆ ನಾನು ,

ನನಗಾಗಿ ನಿನ್ನ ಮನದಲ್ಲೊಂದು ಪುಟ, ಇನ್ನೂ ಉಳಿದಿಹುದೇನು ।।

ನವೀನ

ಮನ್ವಂತರದ ಕವಿತೆಗಳು