ತಾಯಿಗಿಂತ ದೇವರಿಲ್ಲ

by manvantarada-kavithegalu 05:49 4 comments

ಈ ಕವನದ ಸಾಲುಗಳು ನನ್ನ ಮನದಾಳದ ಮಾತುಗಳು , ನನ್ನ ಬಾಳಿನ ಮನ್ವಂತರದ ನುಡಿಗಳು . ಬರಿಯ ಭಾವನೆಗಳಿಗೆ ಬಣ್ಣ ಹಚ್ಚಿ ಬರೆದಿರುವೆ . ಬಣ್ಣನೆ ಹೆಚ್ಚಾದರೆ ಹುಚ್ಚೆಂದು ಬಾವಿಸಬೇಡಿ . 

ಈ ಕಾವ್ಯ ನನ್ನ ತಾಯಿ ದೇವರಿಗ ಅರ್ಪಿತ ...................

 ತಾಯಿಗಿಂತ ದೇವರಿಲ್ಲ 

ತನಗಿಂತ ಮಿಗಿಲಾದ ದೈವವನ್ನು ಸೃಷ್ಟಿಸಿದ ,

ತಾನು ಪಡೆಯದ ಪ್ರೀತಿಯನ್ನು ,

ಪ್ರತಿಯೊಂದು ಜೀವಿಯು ಪಡೆಯಲೆಂದು ।।

ಧರೆಗೆ ಕಳುಹಿದ ತಾಯಿಯೆಂಬ ಹೆಸರಿಟ್ಟು ,

ಪಡೆದೆ ನಾನು ಸಾವಿರ ಜನುಮ ಪುಣ್ಯವಿತ್ತು ।।

ನಾ ಹಸಿವ ಮುನ್ನ ನನಗುಣಿಸಿದೆ ನೀನು ,

ನಾ ನುಡಿವ ಮುನ್ನ ನನ್ನರಿತೆ ನೀನು ,

ನಾ ಹೆದರಿದಾಗ ನನ್ನ ದೈರ್ಯವಾದೆ ನೀನು ,

ನಾ ಅತ್ತಾಗ ನನ್ನ ಕಂಬನಿಯಾದೆ ನೀನು ।।

ನಡೆದ ದಾರಿಗೆಲ್ಲ ಸ್ಪೂರ್ಥಿಯಾದೆ ನೀನು ,

ಮಾಡಿದ ತಪ್ಪಿಗೆಲ್ಲ ಕ್ಷಮೆಯಾದೆ ನೀನು,

ಮಾಡದ ತಪ್ಪಿಗೆ ಸಾಂತ್ವನವಾದೆ ನೀನು ,

ಬೀಳುವ ಮುನ್ನ ಎಚ್ಚರವಾದೆ ನೀನು ,

ಬಿದ್ದ ಮೇಲೆ ನನಗಿಂತ ನೊಂದೆ ನೀನು ।।

ನಿನಗಿಂತ ದೇವರಿಲ್ಲ , ಇದ್ದರು ಅದು ನೀನಾಗಲ್ಲ ,

ಬೆಲೆ ಕಟ್ಟಲಾಗದ ನಿನ್ನ ಪ್ರೀತಿಗೆ ,

ನನ್ನ ಪ್ರೀತಿಯ ಪುಟ್ಟ ಕಾಣಿಕೆ ಇದು ಅಮ್ಮ ।।

                                                                - ನವೀನ 

ಮುಂದಿನ ಕವನಗಳಿಗೆ ಈ ಬ್ಲಾಗ್ ಅನ್ನು ಎದುರುನೋಡುತ್ತಿರಿ ............................................
ಇಷ್ಟವಾದರೆ ಒಂದು Like  ಮಾಡಿ , ಚೆನ್ನಾಗಿದ್ದರೆ ಒಂದು Share ಮಾಡಿ